കളരി പഠിക്കാം; സ്റ്റാമിന നേടാം

ജനജീവിതത്തിന്റെ സമസ്ത മേഖലകളെയും പ്രത്യക്ഷമായും പരോക്ഷമായും സ്വാധീനിച്ചിരുന്ന പ്രാചീന കേരളത്തിലെ ഒരു ആയോധനകലയാണ് കളരിപ്പയറ്റ്. യുദ്ധകാര്യങ്ങളിലും ആത്മരക്ഷോപായങ്ങളിലും കേള്‍വികേട്ട കളരിപ്പയറ്റ് കലാവിദ്യകളിലും സമുന്നതസ്ഥാനം അലങ്കരിച്ചിരുന്നു. മധ്യകാല കേരളത്തില്‍ ഗ്രാമങ്ങള്‍തോറും കളരികളും, അവയിലൂടെ പയറ്റിത്തെളിഞ്ഞ അഭ്യാസികളും ഉണ്ടായിരുന്നു. നമ്മുടെ പൂര്‍വ്വികര്‍ സാഹസികരും ധീരതയ്ക്ക് പേരുകേട്ടവരും ആയിരുന്നു. നാടിന്റെ സുരക്ഷയ്ക്കുവേണ്ടി സ്വജീവന്‍ വെടിയാന്‍പോലും തയ്യാറായിരുന്ന ദേശസ്‌നേഹികളുടേതായ ആദര്‍ശോജ്ജ്വലമായ പോയകാലം കളരി സംസ്‌കാരത്തിന്റെ സൃഷ്ടിയാണ്. ശാസ്ത്രീയമായി കളരിയഭ്യസിക്കുന്നത് ഫിറ്റ്‌നസിനു സഹായിക്കുന്ന ഒന്നാണ്. കളരിപ്പയറ്റിന്റെ ഉദ്ഭവം പലതരം വിശ്വാസങ്ങള്‍ കളരിപ്പയറ്റിന്റെ ഉത്ഭവത്തെക്കുറിച്ച് നിലനില്‍ക്കുന്നു. […]